10/4/18

10/4/18   TUE   HOT*

今日老細上哂大陸, 可以自由自在吓! 朝早去接埋婷婷返學, 仲爺喺學校都夠膽跳樓梯, 抵比人鬧! 返到公司都係做吓自己嘢先啦, 跟住就努力找工作, send咗咁多份都冇一份回音, 係咪我set得太高要求, 定係個天覺得未係時候呢! 午飯後都係都睇吓電視啦, 下午太老闆娘返咗嚟, 咁又冇咩特別嘢GE, 所以好快都閃了! 放工去學校接番子元, 佢要踢學校又要趕去凱景踢, 真係夠哂攰, 接佢時校隊都未踢完, 不過佢都要閃人, 今日要過跑馬地, 真係超遠! 等笨爺換得衫嚟都差不多6點, 幾經辛苦過到跑馬地又要搵唔到個場, 原來要行到最入, 搞到差不多7點先到! 佢有佢踢我有我打吓機啦, 不過都有望吓佢踢成點GE, 以為佢踢咗學校再嚟呢到踢好攰啦, 但相對地好似仲好過平時! 8點散場都閃人啦, 行出去換衫再走都8:30啦, 冇車撘要行返去撘地鐵, 返到屋企都9點半, 大家都勁攰! 快手沖涼食飯啦, 搞掂哂嘢仲要摺衫, 不過睇住電視摺就好啲GE, 呢排都夜瞓, 老公囉掛住打機又唔瞓!