15/4/18

15/4/18   SUN   COOL

今日凍咗好多, 又行雷閃電落大雨咁! 我心情一樣亂哂龍! 朝早我本意係去食早餐然後去圖書館借書佢兩個做功課, 但老公又冇留心聽我講過話要借書先, 去咗入油佢諗住直接出旺角, 但子元11點先學鼓喎, 嗰時先9點幾咋喎, 食早餐都唔洗食咁啦, 我而家先發覺佢喺time management上面真係完全冇sense! 終於去咗借書啦, 幾經辛苦搵齊佢兩個啲書, 就同仲爺返去做咗先, 再要佢學埋寫自己全名, 放佢去玩我就吸塵抺咗地啦, 子元學完嘢返來就做埋啲功課啦, 陸生又走咗去瞓, 真係好想講粗口, 之後個人開始燥底啦, 對功課又對唔明, 仲爺執玩具又唔願執, 做咩都唔順利咁, 3點多叫醒老公, 問佢子元究竟係咪要去足球比賽呀, 佢先捨得起身, 我已表明我燥底, 幾個鐘唔知自己做過咩咁, 一句到尾心情唔靚囉! 咁都要出門口架啦, 去長沙灣快吃就過球場, 仲爺只能做觀眾, 好在同場有其他細佬仔可以一齊玩, 我都唔洗睇得咁足, 3場都贏但我睇嗰時就踢得麻麻啦, 6點多踢完就諗住同隊友一齊去食, 咁我同仲爺去埋廁所先出嚟佢地都行到商場口, 點知入咗商場又搵唔到佢地, 打電話又冇人聽, 嗰時大家心情又轉差啦, 佢話諗住等埋我, 我話你可以行住先電聯嘛, 咁搵唔到咪自己行陣先囉, 又係去睇玩具, 不過我真係超冇mood囉, 最後玩咗陣掟彩虹, 掟到個紫色獎又好似好啲, 又找到啲隊友, 但去到佢地都差不多食完, 所以其實都幾無癮, 食完咪返去囉, 仲爺又瞓咗, 都要叫醒佢沖涼先, 醒咗佢又要玩, 我地就睇金像獎啦, 但睇睇吓炮哥話燒烤場又抄牌, 所以老公又要仆落去睇住先!