6/4/18

6/4/18   FRI   WARM/WIND

今日仲爺佢地要返學, 老公又要一朝早見工喎, 所以程生就要做校巴司機, 過來接咗我地就放兩個大的過長沙灣才再入青衣比兩個細返學, 跟住車埋我去地鐵站! 返到公司老細朝早返咗, 比佢簽吓嘢咁啦, 午飯食完都閃番過嚟啦, 因為實在唔想見到老細同嗰兩條友! 返過自己位hea吓好過! 下午佢地閃咗可以自由吓, 又係時候搵吓工, 都send咗少少啦, send咗先囉有冇回音再算! 放工老公嚟接我, 天文台今日又好準喎, 大風到爆, 本來一齊去同子元踢波, 但諗諗吓都係我同仲爺返屋企好啲, 所以去畫室接完子元就我同仲爺返去先, 叫佢沖好涼玩吓我就煮晚飯, 都係雞肉麵咋, 點知煮起開始食佢就叫POPO, 咁佢有佢去我有我食啦, 到我食完佢都去唔到, 咁可以點呢! 將會講啲好核突GE嘢, 明明見住舊POPO喺門口架啦, 就係出唔到, 用金油條的原理, 我用咗餵藥針筒吸梘水再打入個patpat, 終於好順利疴到啦, 真係大家都辛苦! 疴完就食到嘢啦, 佢食到嘢我就可以摺衫先啦, 老公佢地9點多就返到, 我都未煮飯比佢地, 咁老公都醒目識自己煮, 我就搞掂K.O.仲爺, 子元成日都唔願瞓, 話佢又唔like, 咁佢係成日都唔醒水嘛, 唉!