17/4/18

17/4/18   TUE   COOL

今朝要去見工呀, 當係練習又好咩都好啦, 我點都要實戰吓先! 因為想返工前見, 所以約咗8:45, 其實都早咗去到, 因為老公車我過去, 再揍仲仲返學, 咁我咪企喺學校門口等吓先囉, 差不多時間先入去, 先填吓資料, 好在我有相喺身, 原來要貼相的, 另外就有CV喺email, 咁都順利填好嘢, 入到去見時有兩個人見我, 一嚟就叫自我介紹2分鐘…用英文, 第一吓真係有啲呆, 但之後都算boot得起部腦, 識得講得答, 其實你話佢問咗啲咩呢, 我又覺得我嗰時只顧output, 都真係record唔到, 總之我覺得自己都算順順利利啦, 又或者見工者亦算和善, 所以氣氛愉快下完成, 9:30未夠我就走得啦, 買埋早餐行返公司, 跟住今日都係勁無聊啦, 唉…我真係冇咩要做囉, 係幾灰架! 午飯諗住去學校幫子元攞咗個書包先, 因為今晚又要跑馬地, 但門口阿姐唔放人, 我找Mr So佢咁啱又出咗去帶隊幫唔到我, 打埋去校務處都冇用, 咁算啦, 我係咪都要返屋企, 但比佢咁拖一拖返到去都已經1:45, 仲要整埋飯食換埋衫喎, 根本就趕唔切, 我2:15返得到公司都算係咁! 下午都係無聊啦, 放工快手去學校接仔, 今次試吓撘到天后再轉回頭車, 好似係行少咗咁喎, 6:40左右去到球場算係咁啦, 佢有佢踢, 今次係我有我睇劇, 要睇番星期日套大結局, 時間啱啱好, 睇完佢就踢完, 換埋衫回程足足要1個鐘有多先返到屋企, 佢喺車瞓到豬咁呢好好笑! 返去沖完涼食埋飯執埋啲手尾, 又要趕子元快啲瞓!