16/4/18

16/4/18   MON   COOL

今日都係如常返工返學啦, 朝早送咗笨元校車, 跟住就叫老公落去攞車, 揍仲仲返學, 今日仲早咗添, 未開門就返咗去啦! 買埋早餐返公司, 今日又唔洗開會喎幾好, 可以好好做吓自己嘢先, 今朝唔想搵工住, 午飯後就睇電視啦, 下午又開始努力啦, 都係睇吓有咩啱, send咗幾份大學的clerk咁, 放工返去接笨元返青衣晚飯, 老公又約咗同事食飯唔返來食, 咁我地返去食完咪揍佢兩個返屋企囉, 返去不久老公都返囉, 之後都係沖涼做功課啦, 仲爺今日都合作, 不過真係要跟得好足囉! 8點幾先收到個電話, 話約我明天見工, 係聖瑪嘉利中小學的, 咁成唔成都好啦, 我都想去見吓先, 我真係需要練習, 時間上又夾到9點前喎, 唔諗咁多啦! 至於老公, 今日放工都收到煤氣公司打嚟話請佢, 不過就係要返shift囉, 即係早中夜更, 咁人工福利一定好過而家, 都係好事, 時間上再配合啦, 改變咪改變囉, 大家努力夾! 不過佢今日應該好攰, 毎都未瞓佢就喺梳化瞓咗, 我要同子元諗明天的安排, 去跑馬地踢我唔想抬住佢個書包行餐死, 所以諗住叫佢午飯時執定嘢落去, 我入學校幫佢攞咗返屋企先, 我自己都要換番套見工衫佢, 好難咁樣著一日! 沖完涼叫老公入房瞓啦, 我就睇埋電視先, 等自己最攰先去瞓!