14/4/18

14/4/18   SAT   HOT

今日係短周, 但都唔好諗住可以瞓晏啲, 一來仲爺夜晚已經叫醒你又呢樣又嗰樣, 二來佢地都係未夠8點就會起身! 不過今朝老公就要揍子元去足球比賽, 我就同仲爺喺屋企, 食咗早餐先再做功課, 已經比佢睇電視到10點多先做, 都仲係要發脾氣, 咁初頭做都仲可以, 我已經留咗數學最尾先做, 都只係寫11-60啫, 但佢真係數唔到架喎, 你話可以點教, 我真係又顛哂, 鬧到聲都沙埋! 差不多1點先叫做做完, 老公佢地打返嚟我都衰聲衰氣! 子元話佢做哂功課, 咁一齊過海囉, 等仲仲學完音樂就去食晏, 然後又返嚟到子元游水, 仲爺都係唔肯瞓但老公就喺到瞓, 夜晚就掛住打機唔瞓, 下午先嚟瞓, 可惡! 夠鐘就返落去攞車揍仔, 去咗又一城影Avenger, 但子元主要係睇, 仲爺就扮啲人物嚟影, 各有各玩法, 玩夠就去晚飯, 返番長沙灣食粉麵咋, 子元又唔夠飽要再買包食, 係真唔係呀! 返去食完沖好涼瞓啦唔該!