12/4/18

12/4/18   THU   HOT

今日都係要接埋婷婷返學啦, 食埋早餐出門口真係好遲, 因為仲爺食得好慢! 揍哂佢地返學就返工啦, 今日都冇咩做, 老細又出去係咁開佢啲高級人士會議, 我呢啲小人物係冇咩存在價值! 所以都係留喺到做吓自己嘢! 午飯後睇吓電視咁咪好囉, 今日睇埋追開本小說終於睇完啦, 網上小說有時都幾好, 我呢啲無所事事的咪啱囉, 啲嘢都比人搶哂嚟做啦! 放工直接過咗新都會諗住買件衫明天見工, 十幾年啦…真係脫哂節! 去到諗住G2000實有基本裇衫啦, 點知….係冇架喎, 又貴又唔啱咁, 我就開始頭痕啦, 雖則個場都有唔少呢啲嘢買, 但我只想買啲簡單款, 時間又緊迫要返去接子元放英文, 所以都唔知點算, 結果我連unique都唔放過, 佢都有啲返工款GE衫, 雖然唔係傳統裇衫但時尚少少, 重點係襯好埋嘛, 我有相睇, 對我呢啲零fashion sense的人嚟講真係救星! 終於找到件白裇款, 試咗中碼都OK, 愈大件著得愈肥! 再去watson買埋支粉底, 之前嗰支真係用咗四五年, 終於用完, 點都要買支看門口架啦! 剛買完老公就打嚟啦, 佢可以嚟車埋我再出去接笨元, 跟住去長沙灣食粥, 送埋嫲嫲返屋企, 我地返到去就照常咁沖涼執嘢做功課啦, 就喺我地做功課做到咁上吓時, 聽到樓下後欄有警車叫咪:“所有違例泊車馬上離開”, 老公初頭都唔想理我話冇事, 但我話睇住架警車就喺我地架車附近咋喎, 於是陸生都要落去望吓, 果然係抄牌啦, 好好彩我地泊正中間, 前後都抄緊我地走得切! 都係聽老婆話係啱架啦!