1/4/18

1/4/18

第二朝差不多8點先醒，等大家都肯梳洗好都差不多9點啦，去食埋早餐就再去玩，不過今朝我都攰攰地，所以都玩唔到幾多嘢，去打乒乓球子元唔夠打又黑面， 仲爺就頂唔住室內運動場的回音覺得嘈， 最終都係去踩單車最開心囉，玩到11點咩都冇得玩啦，於是返營屋企執嘢走人啦，係要行番去攞車遠啲囉，返到屋企第一時間執嘢沖涼，叮嘢食就當午餐，4點多老公揍咗兩隻嘢去踢波，我就摺哂啲衫，等佢地返嚟沖好涼出去食晚飯，只係行出去美孚食大家樂咋，大家都攰啦，回來都係睇吓電視休息吓就算！