11/4/18

11/4/18   WED   HOT

今日都係如常返工返去啦, 去揍埋婷婷, 佢地兩個喺車到吹水真係吹得好好笑! 返到去都係搵工啦, 知道老細下午返, 朝早把握時間做自己嘢, 快樂的時光過得特別快, 食完飯老細不久就返, 不過佢都係有佢自己班高層開會, 我就找佢簽吓嘢啦, 仲有做阿四, 要落車幫佢攞西裝囉, 我都諗緊我GE工作性質係咩, 咪高級打雜囉! 下午有人打嚟找我去見工啦, 突然變得好緊張呀, 完全唔知自己點做咁, 見工真係好遙遠GE事啦! 上網search吓囉, 同埋當自己做練習先, 咁應該會自在啲! 放工返去接咗笨元就入嫲嫲到食飯, 因為老公要OT, 佢O完直接去踢波, 所以我地喺青衣食完先返去, 可能真係唔洗做咁多嘢冇咁攰, 8點幾返到去等佢地沖完涼, 睇吓書咁, 等我沖涼時佢地就自己做自己嘢, 9點幾K.O.咗仲爺, 佢今日又好合作喎, 仲自己喺到寫字, 佢絕對係一時一樣! 襯今日有精神, 就同佢對吓功課, 睇吓近來教咗咩囉, 我覺得而家放吓手比佢都可以, 佢默書返來有好成績亦好有滿足感! 不過對功課時都見有嘢錯! 老公11點幾先返到嚟, 我就睇緊佢地小童有咩啱玩囉, 不過都係貴, 唉…可以點!