25/4/18

25/4/18  WED   WARM

今日如常返學啦, 揍咗子元校車就要返上去同仲仲沖涼, 換埋靚仔衫就返學, 今日搞咩模擬面試, 其實對仲爺嚟講都冇咩意思, 因為佢都唔會面試架啦! 揍咗佢返學就買埋早餐返工啦, 都係做吓嘢咁啦, 朝早都冇咩, 但午飯後大陸打嚟話老闆間屋嗰D文件欠咩咩咩咁, 我睇番哂啲email, 其實我叫咗律師事務所做架喎, 但原來條友冇做到, 大陸又話要趕因為話6月又改政策, 總之而家要諗吓點拆掂佢啦, 講番轉頭咪又係老細煩, 問咗佢幾個月究竟仲做唔做, 若佢11月時搞掂就即刻比文件我, 我咪去處理囉, 攤咗3個幾月先, 仲有又求奇將啲文件比條PK send上大陸就算, 都唔係跟程序做嘢, 你叫我去跟進件事GE, 但我問你嘢你又唔答實我, 要的文件又唔比我, 我問你做定唔做你又唔比答覆我, 然後又可以話我做嘢唔附合你要求, 咁老實我唔識做囉! 一句講哂巧婦難為無米之炊! 真係好希望星期五有好消息, 份工請我啦, 我好想離開呢到呀! 點都要處理埋件事架啦, 希望好好收埋個尾啦! 放工去接笨元返屋企換衫, 等老公嚟接我地去AEON, 食飽去shopping, 細路去打卡機, 9點幾返到屋企, 沖好涼睇功課, 仲爺今日又好合作喎, 知到我攞格仔紙出嚟係要寫番今日教的中文字, 數學就用咗另一個方法叫做教咗佢減法囉, 原來都唔止佢唔識, 其他同學都係唔識架!