9/4/18

9/4/18   MON   WARM

終於正常返工返學啦, 6:45起身蒸飯揍仔返學! 買埋早餐返工食啦, 都係開吓會咁, 午飯不久老細就返, 阻頭阻勢, 搞到冇得再睇套劇, 好在上星期五睇咗啫! 下午繼續做自己嘢, 今日真係想hea, hea 到放工就閃, 接咗笨元返去收拾好等老公嚟接, 因為嫲嫲話去愉景新城, 又有得去玩去食啦, 仲爺食咗少少嘢就瞓咗, 唔係去玩夾公仔掟彩虹我諗佢會繼續瞓! 終於夾到車仔啦可以返屋企, 返到去忙忙亂亂, 因為我要整明天帶飯啲嘢, 兩個沖好涼子元就做功課, 仲爺就溫陣生字要瞓啦! 我都趕到11點前沖好涼睇J2劇, 邊整帶飯啲嘢邊睇, 因為試吓整嗰個藜麥沙律! 睇電視到12點1點先瞓, 夠哂攰!