3/10/14

3/10/14   FRI   HOT

今朝子元未夠6點就叫醒我同佢去廁所, 真係比佢激死, 之後都唔係好瞓得番, 柏仲又醒喎, 一句講哂玩我啦! 揍咗佢撘校車就同柏仲返去食奶, 然後同埋老公一齊去揍埋柏仲去食早餐, 跟住同我一齊返公司先, 等佢去埋銀行就揍番柏仲去剪頭髮然後放入嫲嫲到, 我就搞掂D嘢到放lunch就過去酒樓, 約咗1B班家長食飯先去家長會, 大家都係吹吓水啫, 始終唔識好難好投入! 2點多去到家長會了, 真係正式入肉, 聽完嗰堆嘢真係令人好頭痛, 又抄又影相咁, 事後都有排組織! 喺hall聽完就要去課室, 講完正經嘢講吓食飯嗰D, 班主任話佢地係佢見過食得最快的一班! 走得就去接番子元, 不過都要等埋程生揍埋敏瑩先可以一齊走, 行過去小童群益會合唱團, 我又仆去買餸返屋企先, 快手放好嘢換件衫攞埋游水嘢又要出番去, 真係攰到顛! 揍咗佢地去泳池又要返去煮飯, 夠鐘又去泳池揍番佢地, 老公7點幾揍咗柏仲返嚟, 8點前已齊哂大人, 泳完水返到嚟沖好涼開飯, 大人又想睇使徒行者大結局, 但我都冇得睇, 因為又要餵飯又食洗等等, 搞得嚟都9點幾, 沖好涼餵埋柏仲佢就瞓, 得最尾半個鐘先可以坐喺到睇吓, 但已經唔係好知佢講咩, 唯有睇番mytv啦! 睇完佢地都走啦, 我先對番子元D功課, 仲有未做但因為夜啦, 所以叫佢瞓先, 明天再做! 我都捱唔得耐, 12點多已暈了!