6/10/14

6/10/14   MON   HOT

今朝又係拖隻大GE起身, 細嗰隻你想佢瞓耐D都唔得咁囉, 搞掂哂就出口去嫲嫲到, 勁好彩追到架42, 輕鬆入到去食埋早餐就返工, 返到去都係做自己嘢啦, 做吓公事做吓自己嘢啦, 午飯得D湯渣, 所以買咗個杯麵, 食完就去銀行搞埋D嘢, 返到去都係hea吓啦, 老細唔返嘛, 只係大老闆娘返咗嚟一陣! 下午全力完成嗰份家長日notes, 但都係做唔哂, 真係要細閱再Group番出嚟都要時間! 做到放工就閃了, 去揍笨元但佢仲未做哂功課, 等佢執埋D手尾都6:15, 好在趕得切巴士, 返到去沖好涼要佢快D做功課, 我就邊煮嘢邊督吓佢, 咁開飯前都叫做做好功課! 今日試左個糖醋骨, 好正呀, 兩父子都勁like! 子元琴晚聽完我呻daddy唔幫手後, 今晚飯後主動幫手執碗, 又吸埋塵, 真係有D感動! 不過之後同佢睇功課又慶過啦, 淨係教佢夾功課都搞咗好耐! 對埋功課溫埋書先知道有網上功課, 又要餵柏仲喎, 結果login得嚟去做都10點多, 做得嚟都11點先瞓得, 因為實在太多又煩又唔係好熟點搞! 終於搞掂佢就可以抖抖, 好快又眼瞓啦, 但都頂到12點幾, 本來想等埋老公先瞓, 但真係頂唔順, 我6點幾又要起身佢唔洗嘛!

<比姑姐整古變女仔....>

 <開開心心食包包!>