4/10/14

4/10/14   SAT   HOT

今朝唔洗揍笨元去畫班, 因為今個月起改咗星期日先學, 咁柏仲就可以瞓好d朝早嗰覺! 出門口前我都叫子元今朝要做埋餘吓的功課, 我就如常咁返工啦, 有嘢咪做吓囉, 老公都晏咗先揍柏仲嚟到, 因為佢揾唔到子元踢波對PAT, 其實我一早講咗喺鞋入面佢又唔睇清楚! 交收咗柏仲, 我放工就揍柏仲去咗一轉超市再行回家, 不過勁唔好彩落雨囉, 喺pccw嗰邊橋底避咗一輪架啦, 幾經辛苦終於返到屋企了, 仲要買咗兩大袋嘢返去, 儲定d糧求求奇都有一餐嘛! 返到去柏仲唔瞓喎, 咁我又未食嘢, 佢又未有飯仔煲起, 所以比咗餐奶佢先, 諗住佢瞓咗可以煮午餐, 但佢又唔瞓, 唯有煮d通粉, 我又煮咗d雲吞食, 之後咪一路睇吓電視又陪佢玩吓又抺吓地先囉! 老公3點幾打返嚟話原來唔洗打乒乓波, 咁咪返嚟囉, 不過我仲未有時間同笨元溫習, 就由得佢玩吓先, 老公哄咗柏仲瞓佢都瞓咗陣, 6點幾叫醒佢煮晚餐, 嗰日買咗d海膽, 攞嚟炒飯呢! 食完佢就出去踢波, 兩個細已沖好涼, 靠子元睇住柏仲我就去沖涼, 柏仲食咗飯仔又食埋奶9點幾可以瞓, 子元本來想等Daddy買啫哩返嚟, 但因為眼瞓頂唔順啦, 所以10點已瞓咗, 不過老公不久都回來了, 我又係到摺衫做屋企嘢咁囉! 12點多就瞓啦!

<CHOK爆!>

 <爬梳化連環圖!>