10/3/15

10/3/15   TUE   COOL

今日如常咁返學啦, 跟住搞掂又出門口入去嫲嫲到, 食埋早餐就返工, 返到公司都係做商會嘢啦, 都忙忙地架! 午飯後休息吓睇吓電視, 下午又再開工啦, 首席嗰邊朝早又話加一席, 下午又話唔加, 跟住又要book房咁, 總之就有錢做死你啦! 放工返去接笨元, 阿媽話今日個校車姨姨竟然冇等佢地嚟接就放咗3個小朋友喺街, 雖則佢地一向都會互接, 但你都要確諗家長甲會接埋家長乙個小朋友先放低架, 完全冇人認頭你就放低, 真係太危險! 子元話做哂功課, 但原來仲有D唔喺功課袋冇得做, 返到屋企沖好涼再做啦, 但就完全唔知Pen要抄咩字, 火起上嚟咪叫佢要自己諗囉, 成日倚賴問人! 由於老公早咗返, 咁我煮飯食咗先再沖涼囉, 最終子元只諗到3個字, 老公又做好人咁比佢睇番抄咩字, 但叫佢以後唔好, 不過我估實有下次! 沖好涼佢地仲做緊職業治療D遊戲, 等柏仲瞓咗就同子元溫一課英文, 都溫到我火火地架, 近來真係好唔夠時間用咁! 終於搞掂瞓得覺都10點多啦, 本來都攰攰地, 但都睇哂繼承者們先瞓!