19/3/15

19/3/15   THU   HOT

今日如常咁叫子元起身啦, 都好合作之餘仲好快搞掂落樓, 送咗佢上校車我就返上去處理柏仲啦, 試吓今朝比佢自己攞奶樽, 都算成功啦, 餓餓地時咁對佢就OK啦! 食完奶等老公起身後就出門口去食早餐, 然後我就返工, 老公就帶柏仲去公園玩! 上午都是愉快的時光, 雖然都被搖控工作! 午飯後又係未夠兩點老細佢地就返哂嚟, 所以下午都係咁兩邊走, 問你呢樣問你嗰樣, 好在四點多佢地就走哂, 都有自由時間! 放工走人去接笨元然後買飯返屋企, 食完飯沖好涼就比份卷佢做, 屋企有影印機真係方便好多, 將之前買的練習影咗相關今次考的再比佢做, 都幾多架但都啱架啦, 佢做的時候我就沖涼, 沖好同佢對卷再同佢複習多次, 希望明天唔好再錯嗰D嘢啦! 搞掂呢part又到練舞, 10點多就瞓得啦都算係咁! 我都超攰, 未夠11點就入房瞓啦!