9/3/15

9/3/15   MON   COOL

又要返學啦, 今日都好攰, 拖住疲勞的身軀出門口, 送咗子元返學就返上去摺衫餵奶再入青衣! 食埋早餐就返工啦, 今日開始勁做商會嘢啦, 真係得番呢幾日! 午飯要去買飯啦, 食完睇吓電視打吓機, 下午又開始工作了, 好忙好忙! 不過都準時放自己工架啦, 返去接笨元, 錯過咗班車搞到6點幾先返得到去, 沖好涼煮飯, 老公7點幾返到, 不過開得飯嚟都8點, 好在大家都快手, 9點已完成打掃可以入房幫子元溫習睇功課, 老公算乖仔咁搞掂柏仲, 所以我可以專心搞掂子元, 起碼溫到一課英文! 10點左右瞓得, 我就可以休息啦, 不過11點未夠就喺梳化瞓咗, 瞓到差不多1點老公先叫醒我, 入房再瞓過, 最嚇人係柏仲瞓瞓吓坐起身, 又倒向另一邊, 仲以為佢醒咗!