15/3/15

15/3/15   SUN   WARM


今朝瞓到8點幾先起身, 柏仲未醒, 所以冇叫醒老公, 只係我揍咗子元去畫班再買早餐返來食, 跟住就揍埋柏仲入青衣, 因為要去做一做facel, 其實都唔係太鍾意做架咋, 不過今個星期好多妝要化, 咪做吓囉, 搞掂都兩個鐘差不多, 跟住就返上去, 本來諗住走架啦, 不過仲仲又剛開奶, 咁咪食埋午餐先回家囉, 撘緊巴士柏仲已瞓咗, 咁我起碼可以好好咁睇吓running man, 又做吓家務咁啦, 3點幾老公同笨元佢地返咗嚟, 不久柏仲都醒埋, 本來餵緊柏仲食飯, 但叫子元溫習執嘢又分哂傻咁, 大嗰個就淨係識打機, 豬仲又食到衰衰咁, 火起上嚟食淨嗰D連碗掉落地, D人終於有反應, 現實D講家務差不多我做哂, 溫書功課又係我跟哂, 佢係帶佢去學嘢, 仲要係佢自己話要個仔學, 返到嚟成日就係對住部手機, 我成日做到十點幾先坐到喺梳化, 但佢就係咁打機, 一諗到咁我就顛! 今次我掉碗佢冇發嬲, 我估佢係知我嚟真火, 仲自動執嘢添, 我順手抺埋地囉, 跟住老公就出去踢波, 得我一揍二都溫唔到書, 叫咗子元自己溫, 初頭又係溫咗一陣就話溫哂, 問佢梗係唔識啦, 之後咪叫佢每課要寫一次囉, 咁先好D叨, 但都只係溫得3課, 之後又要玩lego, 又話幫我睇住仲仲, 其實咪就係唔想溫書住, 食完晚餐我沖好涼就齊齊睇電視到9點半K.O.哂兩隻再等老公回來囉!