17/3/15

17/3/15   TUE   WARM

今日終於可以停一停, 抖一抖了! 朝早搞掂兩隻細路, 買埋早餐返公司啦, 過了個悠閒的早上, 午飯去買飯啦, 下午老細返咗嚟後, 就冇好日子啦, 全個下午都做唔到自己嘢, 唔係幫佢整電腦D嘢就聽佢廢話吹水啦! 仲要過哂5:30都唔走, 無故要OT到差不多6點先走到, 好在今日老公帶咗子元柏仲佢地去剪頭髮, 咁我又唔諗住煮飯, 想閒少少可以有時間溫吓書! 買米線返去, 喺樓下咁啱會合到, 返屋企佢地三父子沖好涼食埋抖一陣就做功課, 等我沖好涼就開始跟功課溫書, 比番上次份英文卷佢做, 又係錯嗰D trousers用咗is囉, 激死! 叫佢執埋書包, 仲要練吓做休花仔時跳嗰隻舞! 10點多終於瞓啦, 我地又可以休息吓, 我都勁攰, 繼承者們都唔睇就瞓啦!