28/3/15

28/3/15   SAT   WARM*

今日都幾節目豐富! 朝早返工啦, 留低兩隻仔比老公, 子元都算醒目, 起身識做功課, 但又話冇抄手冊, 叫醒我比手機佢睇住抄番! 又係返工等放工啦, 12點幾老公揍咗柏仲上嚟玩, 然後就同子元去踢波! 夠鐘放工我都走啦, 約咗Mavix同朗然上嚟我嗰到, 真係好多年冇見朗然囉, 咪就係佢結婚嗰時囉! 幾快大家齊齊玩仔啦! 買咗KFC返去食, 柏仲朝早未瞓, 所以我買緊嘢食時佢就瞓咗! 返到去佢都照瞓, 咁我地食住嘢先啦, 瞓到咁上吓喊醒啦, 諗住整番熱D粥佢食, 放佢同朗然個仔玩啦, 點知可能啱啱瞓醒, 竟然喊喎, 係要痴住我, 佢怕生個樣都好可愛! 食完粥再一齊玩啦, 玩咗陣mavix要走啦, 咁我就同朗然帶埋兩隻細落樓下遊樂場玩, 真係攰過咩, 玩咗大半個鐘我已經好攰, 加上收拾吓又差不多出門口去同老公佢地會合, 今晚契爺婚禮跳舞嗰到又要彩排, 先去譚仔食米線, 然後再行過去, 柏仲又係好唔聽話啦, 子元就係咁咳, 都係條氣唔順啦! 排舞都排到差不多9點, 快手回家K.O.兩隻仔, 笨元食咗藥聞咗氣等叫做好D, 但明天都係要去睇醫生架啦!