20/3/15

20/3/15   FRI   HOT

今日都係咁啦, 叫醒隻仔又返學啦, 跟住就到同老公出去食早餐, 然後返工! 今日都係做吓自己嘢啦, 改吓旅行個行程咁, 午飯出咗去食, 同事上次抽到獎, 平平地請食日本嘢! 下午老細返咗, 好在都唔算stay好耐, 不過又要幫佢過咗手機D相落電腦咁, 都係阻頭阻勢架啦! 終於放工啦, 唔洗咁趕因為唔洗買餸, 但都要返去放低嘢先再去接笨元去游水, 今晚各自回家沖涼再去元氣食壽司, 都9點終於可以食啦, 笨元簡直係餓狗搶C咁, 因為我地好少坐迴轉枱! 食到10點多先回家, 快手打暈兩隻嘢就執好明天D嘢, 真係要喺個腦run一次要著咩帶咩先掂! 搞掂就瞓覺啦, 明天實好攰!