8/3/15

8/3/15   SUN   COOL*

星期日通常只係子元最忙! 朝早8點前要起身去畫班, 食完早餐我就返美孚買餸, 老公就等夠鐘去揍笨元放畫班, 買完餸返去其實柏仲都攰架啦, 但係要扭一輪都唔瞓, 我都邊整嘢哄佢, 叫做11點前瞓咗, 我就整起D餸囉, 煮埋飯仔架啦, 我都諗住痴柏仲D飯仔食就算, 點知都未食得完隻豬又醒啦, 咁等佢喊陣先理佢, 餵佢食埋飯咪玩吓囉, 其實都幾無聊架, 不過佢又好開心咁, 最辛苦係佢唔再瞓晏覺喎, 玩到6點多老公話佢地撘緊車返嚟, 去Aeon食咖哩, 咁我咪收拾出去囉, 自己都覺得叻係因為又車仔又奶粉袋又抱住柏仲都撘到小巴! 過到去差不多有位啦, 柏仲食番難得的媽媽自己製飯仔, 食完就上咗去玩具層啦, 子元又要買水樽, 又要玩佢D唔知咩卡機, 跟住去咗超市買尿片同BB飯仔for旅行時食! 回家後沖完涼餵奶K.O.咗柏仲又要同笨元再溫一溫中文先放佢瞓覺, 不過淨係執書包校服都激死你, 又慢又唔知自己做咩咁! 終於到我沖涼, 仲有一堆手尾執, 又係11點幾先可以坐落梳化, 老公就叫一樣做一樣, 有D仲專登做得衰然後等你睇唔過眼去做番!