12/3/15

12/3/15   THU   COLD

今朝差不多出門口柏仲又嘈住要出去, 咪同佢著件褸就抱埋佢落樓囉, 今日都算趕得切啦! 返上樓hea陣等老公肯起身我先出到門口, 買埋早餐返工啦, 今朝都係做吓商會嘢, 但都接近尾聲, 感覺上真係冇以前咁忙, 可能好多嘢都係一樣啦! 午飯後去咗買咖啡行吓, 下午回來都唔係好洗做商會嘢, 休息吓啦, 明天才print嘢啦, 反正好大機會有嘢改! 放工唔洗去接笨元, 因為老公接咗, 可以早D過新都會食嘢後再去睇衫, 最終都係喺stage of playlord 買咗條紅色裙, 今次著完出年Annual Dinner再著都仲得! 回家後又要作戰了, 先係功課啦, 真係要再從頭教佢一次應該點做, 因為真係成日錯同遊雲! 完成功課後又要做埋小作家, 真係佢唔攰我都攰, 結果做到10點幾11點先瞓得, 我就去沖涼囉! 終於可以休息啦, 慘過做7仔, 工時長過7-11!