4/3/15

4/3/15   WED   COOL

今日都係如常咁返學啦, 揍埋柏仲落樓因為佢醒咗喺到嘈! 之後都係做埋D嘢叫醒老公就一齊去食早餐然後我返工啦! 中午前林醫生嗰邊打嚟話原來子元係今日做職業治療, 結果搞到踢哂腳, 又要找嫲嫲出嚟睇住柏仲, 又要叫校車姨姨放學時找子元撘校車返嚟美孚! 好在最終都安排到, 咁我就安心地做商會D嘢啦, 真係要的起心肝做啦, 因為迫到埋身了! 所以下午過得好快呀, 放工返去接更, 奶奶趕住返屋企收衫, 咁我就襯柏仲未瞓醒快沖個涼再煮飯啦, 煮起佢地都未返就叫醒柏仲食咗先, 等佢兩父子回來快手食埋沖好涼就入房督住子元做功課了, 快極都做咗1個鐘, 仲要餵埋柏仲食奶呢, 真係忙死人, 結果11點多先完全搞掂哂自由呢!