18/3/15

18/3/15   WED   WARM**

今朝子元終於早咗肯起身, 時間真係好用好多, 唔洗叫佢快D感覺真好, 落到去仲要係第1喎! 返上樓就搞掂柏仲飲奶先摺衫啦, 然後一齊出去食早餐啦, 食完我就返工啦, 老公就帶柏仲去公園玩! 今朝有時間就做吓自己嘢, 買咗legoland同Singapore Zoo的入場卷, 但little big club未有得買住! 午飯後老細好早返咗嚟, 勁慘囉, 又嘈住哂睇電視, 全個下午都喺到, 仲要監視住你咁, 真係好乞人憎, 就嚟連呼吸都要佢批准咁! 仲要足5:30先走, 搞到梁小姐個孫上嚟都要等到5:30之後, 玩吓佢都差不多6點, 返去揍笨元後又要去買飯喎, 所以返得屋企都7點多啦, 食埋飯先沖涼啦, 跟住叫笨元執好嘢, 就比佢玩陣, 因為佢已經喺阿媽到溫好書! 等我沖好涼餵埋柏仲就可以出卷比佢做一做, 見佢都應該OK, 就放佢瞓覺啦! 等佢地瞓哂老公就話染埋頭髮, 咁佢用唔哂支染髮劑我咪用埋佢, 齊齊染! 最終我上色過佢囉, 整得嚟都12點幾囉, 好眼瞓!