31/3/15

31/3/15   TUE   WARM

今日都係要揍埋仲仲落樓啦, 佢又一早起咗身, 仲識問食緊早餐GE哥哥攞蛋糕食, 真係叻仔! 又識見到校車EE就叫上車, 又識byebye, 真係氹到人呢! 返上樓咪食奶囉, 之後開始搗亂, 佢真係咩都搞咩都爬, 睇住佢好辛苦! 搞掂就出門口去食早餐, 然後我就返工啦, 朝早都係做吓自己嘢, 午飯後都OK, 但老細返咗嚟之後就慘啦, 完全冇諗住走咁, 之後仲要過嚟講到放工都唔走, 我都身先士卒照走先啦, 咁佢就走啦! 返去接咗笨元再去YMCA嗰到報名交錢4月尾要託功輔班! 返得屋企都7點, 快手煮飯, 佢地3個就沖好涼, 食完飯叫笨元執好功課, 等我做好家務就可以安排佢明天要帶咩去嫲嫲到做, 要襯呢幾日做好D功課, 唔係去旅行點算! 執好哂就比佢睇吓電視, 反正放假唔洗早起身! 我都10點幾先去沖涼, 沖完醒哂, 可以睇埋繼承者先瞓!