13/3/15

13/3/15   FRI   COOL

今日都係忙忙碌碌啦, 朝早就已經飲我發顛啦, 本來起身都好地地, 點知食早餐時就慢啦, 18分先出到門口, 本來都趕得切, 點知叫佢出去按lift時又冇按, 結果24分仲喺lift口, 又怕走校車, 落到樓一跑又PK, 真係激到你死! 最終去到小巴站就由得佢自己過去就算, 因為已經好火! 佢話跌親隻手都冇機會睇佢! 睇嚟下星期起都要早番10分鐘叫佢起身, 因為佢實在拖得太慢啦! 搞掂柏仲摺好衫叫老公快D起身接手揍柏仲, 我要出門口返工了, 今朝都係做吓自己嘢先, 午飯後就開始print商會D嘢, 應該都冇咩嘢要改啦嘛! 搞掂都仲有時間咪hea吓囉, 跟住快速買餸返去放低又去接佢地放合唱團! 同程生喺小童會合就帶佢地去換衫游水! 返上樓煮飯啦, 搞掂又去接游水, 呢幾個鐘真係出出入入好多次! 返去沖好涼食完飯比佢地玩陣, 9點幾就要走啦, 餵埋柏仲就叫笨元抄埋手冊就要佢瞓, 明天才做, 因為佢眼瞓係咩都做唔到! 我就終於可以沖涼休息了, 但睇睇吓繼承者們都瞓咗!