21/3/15

21/3/15   SAT   HOT

今朝7點幾就要起身啦, 其實都唔洗話做D嘢, 但執吓嘢梳洗好出門口都8點幾, 撘的士入到去老公去買早餐, 我地就上樓先, 你話好忙咩又唔係, 主力都係佢D姐妹忙D, 不過咁晏都未化好妝嗰D又真係麻煩! 子元好忙咁跟住D姐姐去做嘢, 柏仲就主力賣可愛! 新郎終於可以上嚟啦, 玩嗰時我都冇咩睇到, 不過都係冇咩睇啦, 輪到敬茶啦, 人生第一次飲新人茶呢! 等佢地出咗門, 開始hea啦, 先同子元溫吓書, 不過條友心散唔多想做囉, 又係到激我呢! 12點到打暈咗柏仲就去買飯, 食完就出去Ann到整頭, 不過都要等呢, 只係簡單地set曲咗咋, 3點多返到去開始收拾, 幫奶奶ready吓著衫等等就過去逸東啦! 叫做安頓好就等化妝囉, 又要幫吓大包著衫, 所以我好多時間都喺新娘房! 最好笑係大包有條裙著唔落, 要著番某條朿褲先著到, 真係好搞笑囉! 5點幾攝到時間化個妝, 又要飛的過阿妹到幫佢上頭, 等埋阿媽一齊上去啦, 又要等connie買埋湯丸上嚟, 快快手搞掂啦, 又要趕返過去, 好在有connie車我過去啫, 唔係又要的士! 返到過去好忙又唔算GE, 影吓相睇住柏仲咁囉! 8點幾再安排進場啦, 不過酒店勁耐先搞掂D音響, 所以已經遲咗少少架啦! 進咗場吹完水, 9點多先有得食, 柏仲已經開始冇電, 子元就掛住同表叔玩D遊戲卡, 9點幾柏仲已經暈咗, 我地可以慢慢食囉, 我地都坐到第8席, 係有少少後, 因為D長輩多坐哂前面, 我地呢張係兒童枱, 都係一班表堂兄第姐妹, 大家啱吹水D啦! 而家唔興玩遊戲架啦, 補影相時本來都冇咩, 但大包有一批fd真係唔多大體, 衣著上係各有喜好, 但你都唔好拋胸短裙咁呀, 仲要攞MC個咪叫人上嚟, 都算啦, 連講嘢都好失禮, 咩叫做“求先有份幫我慶祝生日班女”! 人地唔知以為落咗club囉, 又影咗勁耐都唔識閃人, 咁樣咪比男家睇低囉! 講番餐食, 真係唔多掂, 酒水又唔識添之餘叫佢加又十世先加到, 上菜又慢, 11:30先上到美點雙輝, 我地換得衫閃人都12點幾, 柏仲瞓足全場所以返到屋企都醒一醒沖涼, 子元就上車先瞓, 抬到返去放喺地下照瞓, 咪叫柏仲打醒佢阿哥囉, 好好笑, 醉酒佬咁, 沖好涼洗埋衫, 2點先有得瞓! 明天繼續!