10/12/17

10/12/17. SUN.  COLD

今日好似好忙咁， 但又唔知忙咗啲咩， 出街又覺得好迫， 真係唔知自己想點！朝早8點多要起身啦，佢兩兄弟已經睇緊唔知幾耐電視啦， 要佢地梳洗好出門口好似係好難ge事咁！揍咗子元去畫室我地就去食早餐， 試咗間新嘢又幾好食喎！仲未夠鐘接笨元， 就同仲爺去咗玩遊樂場，等佢擁有吓淨係同我地兩個相處的時間， 去玩埋彈波波就接笨元，跟住又要去打鼓，返屋企後不一會又出去踢波， 我同仲爺就留喺屋企，係咁執屋仲爺就自己玩， 佢又算幾乖喎， 兩點幾子元返咗上嚟沖涼先再出去，去北海道快食後就去體藝開放日望吓， 一來已經尾聲， 二來冇得去聽講座唔係好知收聲資料等等， 但睇佢啲學生就活潑啲， 唔似琴日睇伊中的咁書生，真係未諗掂應點去選！老公今晚去踢波， 喺葵芳行完商場返大家樂買外賣返去食， 子元好似一日冇食嘢咁， 食咗好多呢！跟住都係沖涼瞓覺啦， 仲仲8點幾就比我趕咗入房， 笨元又話瞓唔著， 咁我叫佢去做埋專題先囉， 不過佢唔攰我攰囉， 我真係想好好休息吓呢！