22/12/17

22/12/17.  FRI.  COLD

今日雖然係做冬有得放早， 但朝早又要開會咁， 下午又得嗰兩個鐘， 所以只係忙忙忙！ 朝早揍子元去阿媽到， 阿媽問子元今日洗唔洗畫班， 咁反正有時間梗係上埋啦，又咁啱喺路上撞到程生， 於是請佢接埋子元放囉！跟住都係返工啦， 10點幾搞掂嘢開會啦，一開就開到1點， 夠哂皮！總之老闆要幾白痴有幾白痴啦！午飯後就睇吓電視啦， 做到4點就收工， 要仆去睇醫生囉， book咗4：50， 都算快有得睇， 今個星期實在係太忙都冇時間睇， 一咳就唔睇唔得囉！攞埋藥等老公嚟接我， 去畫室接埋子元食啲嘢就返阿媽到食做冬飯， 食到8點幾， 送埋阿嫲返屋企， 老公話去食糖水， 試咗間新嘢呢， 返到屋企都係快手沖好涼食藥休息！