3/12/17

3/12/17   SUN.   WARM

琴日出咗一日街， 好多嘢今日要做番哂啦， 朝早子元10點先去學英文， 所以唔洗咁早起身， 瞓到9點先起已經好滿足！ 揍咗子元就去食早餐， 然後我同仲仲回家做功課， 老公繼續揍子元學呢樣學嗰樣！返去做功課前比仲爺喺樓下玩咗一輪遊樂場先架啦， 算係咁啦！返去做哂功課都要成個鐘， 本來都唔係好洗我激氣， 但我要找報紙做剪報時你都要比啲時間我架， 靜靜地等我一陣都得掛！真係做好哂就比佢玩啦， 又要玩顏料又要玩車， 總之就咩都玩一餐又唔執咁啦！點幾兩點打比老公， 睇吓佢幾時嚟接我地， 子元踢完波又要接阿媽再入沙田同阿婆切生日蛋糕嘛！4點多食埋個午飯又要趕去游水啦， 好在我夠快腳趕得切接入場EE離開前衝到去， 咁先趕得到入場咋！ 去長沙灣買定明晚的餸就返屋企， 摺好啲衫先， 老公就同仲爺砌停車場玩， 但到執嘢仲爺又衰衰咁啦， 都係要比人打佢先安樂， 永遠都係唔合作！等哥哥游完水上來做埋功課就出去美孚食米線算， 回來沖涼瞓覺， 還要快望一次子元的功課， 實有甩漏啦， 都係要執一次， 近來真係冇咩溫過書， 點算好呢！