7/12/17

7/12/17.  THU.  COOL

今朝要去揍埋婷婷返學， 所以要準時出到門口， 佢同仲爺一齊就咩都講一餐， 成程車個口都冇停過， 叫佢地影張相啫就頭痴頭咁影， 好搞笑！ 揍咗佢返去我就去青衣城食早餐， 因為要過去工展會嗰邊做證， 咁反正未夠鐘食咗嘢先山， 過到去其實只係9點幾， 但又要等嗰兩個工作人員肯郁， 真係好搞笑架喎， 嗰兩條友堅係慢， 佢唔諗吓人地會趕！做起返到去都11點幾， 我都冇咩偷懶架啦， 只係上20樓幫老公買咗d socks！返到公司又係搞d帖囉， 十成都係老闆唔信我做嘢啦， 又叫同事再處理過啲帖， 是但啦佢地鐘意都就點啦， 我真係唔洗上心， 對住佢地上心只有激氣， 唔洗做多， 唔做少就得架啦！午飯後都係睇吓電視， 嗰兩個高層一早出去食完飯又一早返嚟阻住哂睇電視， 跟住襯老細不在就出咗去， 不過人地係高層， 冇得我地理！ 出咗一個下午都未印得哂帖係因為做做吓又有第二樣要做， 真係唔到我控制！放工都閃啦， 明天再續！ 返去接笨元， 咳都仲有啦食咗藥又成日好攰咁陰公豬！ 返到去放下嘢又出門口， 嫲嫲話要出去食， 咁就帶咗佢去食東京街嗰間打冷， 食完彈埋波波買𡊰糖水就送嫲嫲返屋企， 我地返到去， 快睇好哂佢地功課就沖涼休息摺埋衫等等先有得瞓！