27/12/17

27/12/17   WED   COOL

今日又要返工啦, 7點幾要起身, 揍咗子元過阿媽到就返工, 買埋早餐返去食, 朝早都係做吓公事做吓自己嘢, 午飯後都係打吓機睇吓電視, 老細們返哂嚟, 下午開始就砌座位表, 真係砌咗一個下午, 咁都好GE叫做做好一樣啦! 放工去接子元過荃灣剪頭髮, 等佢兩個細GE快剪完就同佢上去眼鏡鋪驗眼, 好在仲爺都係右眼有50度散光, 要注意吓啦, 子元完全冇事啦! 我就攞埋個度數睇吓有冇得配con, 唔check番都唔知其實我真係幾深散光囉! 返番去剪髮鋪會合, 咁大包都嚟咗, 應該係子元同佢講開話仲仲有D散光, 咁佢就唔知發咁顛係到鬧佢阿媽好成日比仲爺睇機, 其實我都會話但唔係當街鬧囉! 等老公剪好埋就去食嘢啦, 去咗間食西餐GE, 食得嚟都9點幾, 因為啲嘢食嚟得好慢, 期間仲爺都冇扭要玩機, 其實佢真係得架, 習慣說啫! 送咗佢地返去我地都回家啦, 仲爺沖好涼瞓覺, 子元比老公捉咗去練腳肌! 我呢又想睇電視又想沖涼, 都唔知做得邊樣!