13/12/17

13/12/17   WED   COOL

今朝仲爺終於知醒一齊落樓, 揍咗佢地返學就返工啦, 今日都好忙吓, 要開會都開咗一個上午, 但其實開咩呢, 新同事的開會模式真係有D怪, 唔係傾重點, 而係佢一路做住嘢咁傾, 大爺我唔得咁候住你架, 你估你真係我上司咩! 搞到差不多1點先完, 我叫得米線嚟都點半先有得食, 好在我食得快啫! 下午都係繼續做嘢啦, 難得年尾真係咁忙碌啦! 放工都遲走呢! 接笨元時佢又情緒唔好又要輔導佢一輪, 返到去咪煮飯囉, 不過今日煮D嘢都多步驟, 所以我做二廚整起老公煮囉! 食完佢就整淘寶落嚟個門鐘, 我都係收拾洗嘢趕D仔做埋D嘢瞓覺啦! 沖完涼出嚟有3機衫等住我摺, 堅係摺到眼瞓!