14/12/17

14/12/17   THU   WARM

今日都係忙碌的一天, 朝早揍完仔返學就返工啦, 因為下午要出去工展會, 所以朝早都要趕起哂D嘢先, 做極都仲係好多嘢做唔完咁, 真係有啲辛苦! 食完午飯就出去啦, 我仲要矇到以為蒸咗飯, 點知冇插插蘇, 好在可以叮啫! 食完就過工展啦, 準時兩點過到去, 啱啱同運輸一齊到, 佢地好好人幫手上埋D櫃同架先走, 可能見我地人丁單薄掛! 搞掂櫃就諗住上貨啦, 點知大家都搞唔掂個打碼機, 搞咗大半個鐘, 終於喺youtube睇明咗點入條帶, 真係呢世都記得點入呀! 差不多4點先開始進入上貨高峰期, 好在朱嫂個女嚟埋幫手, 可以快D上好貨, 做到5點幾接近尾聲架啦, 大咪姐先過到嚟, 見佢個勢好似想打卡咁喎, 機警地馬上打咗卡先, 唔係比人冷手執個熱煎堆咪死, 原來唔止我, 仲有好多人都對大咪姐睇唔順眼, 其實你幾識刷老細鞋都好啦, 有時人際關係都好重要架! 6點幾7點我先返去, 直接返青衣啦, 老公喺機鐵站接埋我上去, 馬上開餐啦…我真係好肚餓! 食完嘢大包返嚟可以問佢借埋D衫呀鞋呀咁, 完成任務! 返到屋企已經9點幾10點, 快手K.O.佢地沖涼瞓覺, 仲要睇埋子元功課, 我11點幾先沖涼呢, 攰到我想死!