30/12/17

30/12/17.  SAT.  COOL

今日長周要返工， 揍咗子元去學英文就返工啦，仲爺喺嫲嫲到過夜唔洗理佢住，買埋早餐返去食，諗住今日都係舒舒服服，點知啲pk返哂嚟，仲要我發現漏咗份續牌未交但日期係31/12，唯有馬上填好佢fax咗去先2號返工再直接交囉！做好哂嘢已經過哂1點，叫咗老公去接仲爺先架啦！去食個午餐老公就揍仲爺返去， 我就同笨元去圖書館作戰，原來好多小朋友都趕做閱讀記錄冊，八成坐喺枱的都在抄抄寫寫，我地都作戰咗兩個鐘，叫做完成9成架啦，作差抄嗰啲未做得切，5點又要趕去游水啦，我就返屋企摺埋啲衫，老公就裝好哂啲電線，廳終於有番個鐘啦，仲係一個好有型嘅鐘添！7點去接番笨元放游水就再去圖書館找數學及科探用的書！跟住就出吓街啦，我困咗一日啦，近近地去咗大窩口食泰國嘢買吓玩具買吓衫，同埋買定明天party煮食的材料！回家沖涼打暈埋仲爺就可以睇吓電視打吓機先瞓！