20/12/17

20/12/17   WED   COLD

今朝子元旅行日, 因為8:30前返到去就得, 唔想咁早撘校車, 所以決定叫老公車返去, 叫埋letty一齊跟車呢, 剛好8:29返到! 同佢地食埋早餐, 9:25先返到公司, 又開始做到隻嘢咁啦, 又要開會咁! 午飯後去咗AEON快閃一轉, 都遲咗先返到公司! 下午又要開會, 好在老細趕住閃, 唔會拖咁先有時間做吓嘢! 大咪真係好鍾意爭哂你做嗰D嘢, 唉…所以呢個世界咩人都有! 放工返去接笨元, 本來諗住返屋企等佢放低嘢換咗衫先, 再等老公嚟接, 點知去到長沙灣廣場見美孚橋塞車塞到不得了, 都係馬上跳車穩陣, 打比老公話佢知全條長沙灣道來回都塞哂, 於是直接喺AEON等, 我地慢慢行過去攞位食COCO, 食完我就去超市掃貨, 佢地就去買玩具, 真係開心! 送咗嫲嫲佢地返去我地都返屋企啦, 點知仲爺又瞓咗啦, 抬到我死死吓, K.O.哂佢地沖涼啦, 局咗子元摺哂佢D衫, 咁我又可以做少D, 咁大個仔終於有用啦! 老公都冇等我就瞓, 我實在有太多衫要摺, 摺完睇埋電視差不多一點先瞓!