17/12/17

17/12/17   SUN   COLD

今朝子元去咗踢波, 我完全唔想起身, 仲爺就一早醒咗, 結果當我10點多完全醒哂要起身時, 已經係一屋都係嘢, 梳洗完我開始執, 叫佢一齊執佢就完全唔理, 係要我有激動反應先執! 老公11點多打嚟話嚟接我地, 我話仲需要D時間, 差不多11點半先落到去, 接埋子元放鼓班就過海, Pre老公生日飯, 佢book咗一間巴西燒烤自助餐, 真係好多肉食, 一次食咁多肉我真係消化唔切, 自助部份的沙律都唔錯, 但真係好外國人口味, 當係試吓新嘢囉! 仲爺例牌唔多食架啦, 好在小童全免, 咁都抵啦笨元回本! 唔覺唔覺食到點幾兩點, 去食埋雪糕就返屋企, 笨元溫英默, 另外兩個瞓覺, 我就摺衫, 但唔知幾時凍親啦, 係咁流鼻水, 食咗成藥都唔得, 鼻都甩埋! 6點幾等佢地起哂身就準備出去食晚飯, 今日去咗荃灣食, 睇吓玩具又買咗車仔咁啦, 9點幾返到去就快手沖涼食藥瞓覺啦, 食咗隻會眼瞓的收鼻水藥, 希望會好D!