8/12/17

8/12/17. FRI   COLD

今日凍咗好多呀， 朝早落樓已經好大風， 真係開始覺得冬天嚟！食埋早餐揍仲爺返學跟住就返工啦， 一朝早都係為咗啲帖喺到忙， 終於可以喺食午飯前寄咗佢， 買埋飯返去食， 因為低能一族返哂嚟， 真係覺得佢地返咗嚟啲時間都過得慢啲！下午都係繼續做嘢啦， 真係出得嚟行遇咗要還咁，  今個月真係做餐飽！放工等老公嚟接我， 塞車所以遲咗， 喺街食住西北風等， 真係夠哂凍！因為子元今日要去中山公園踢波， 又係星期五， 咪同埋仲爺一齊過去囉， 隔離有個室內遊戲室可以比仲爺玩， 咁時間都過得快啲！等佢踢完都8點多， 去食晚飯啦， 但因為唔識路又找咗一輪先開到飯， 差不多十點先離開， 返到去仲爺梗係瞓咗啦， 笨元沖完涼都即瞓， 我就梗係要做埋一堆家務睇埋電視先瞓啦！