25/12/17

25/12/17. MON.  COOL

今日聖誕節嘛，朝早瞓到10點幾11點我地兩個先捨得起身， 咁出到廳都遇咗見到一堆玩具都兩個睇咗一朝電視的人仔，見冇幾何係咁就算啦，快啲執埋啲嘢出去食早餐，然後老公就帶子元去踢波， 我就同仲爺返咗屋企做功課，都幾多功課架，佢都算合作一次過做哂， 係仲有閱讀記錄冊未做啫！老公回來叫仲爺瞓覺，話瞓醒帶佢去夾公仔，條友仔真係好乖咁去瞓，咁我就同子元對功課，做埋科探啦，係冇溫書囉！5點幾仲爺醒咗就準備出街啦，程家問今晚一唔一齊睇燈飾，咁反正我地又冇咩做，就各自食埋飯先出去尖沙咀！我地去咗荃灣愉景新城玩夾公仔， 再食埋拉麵就泊番車返屋企， 撘地鐵同程家會合出尖咀，真係人多到顛，幾經辛苦先行到出去鐘樓嗰頭，影吓相咁啦！勁多人喺到表演，主要都係唱歌，但有啲另類啲ge係跳繩，又幾好睇喎，最邪係竟然撞到公司同層上次約我食飯嗰個男子，同佢say咗hi就走！跟住又有啲Free Hug大家可以摟摟，叫子元去摟佢又唔肯，仲爺就好可愛咁扮哂怕羞，真係頂佢唔順！行到去尖東影咗好多經典位，一齊撘171返屋企，返到去都差不多1點，快手沖好涼仲爺瞓先，子元話肚餓一齊食咗丁麵先瞓，我地過咗眼瞓時間差不多3點先瞓！