26/12/17

26/12/17.   TUE.   COOL

話咁快又到最後一日假期，但都係冇咩持別！朝早仲過份，瞓到11點幾先起身，出面應該已經嘈過好多次交，兩個一齊玩就好煩！梳洗後出去食早餐，然後老公就同子元去練波，我同仲爺返屋企，今日咩都冇同佢做，只係比佢自己玩，因為J2做緊套戲幾好睇！等子元回來休息吓就開始溫書，今日主要同佢溫吓常識先，都好多課外嘢要講解佢知，溫咗3個鐘先溫到3課，實在係太少！仲爺醒咗跟住就出吓街，先去食咗嘢先，去番上次嗰間食burger，跟住就去黃埔玩食錢樂園，都真係幾食錢吓，但真係好多年冇嚟過就算啦！玩到9點幾回家啦，沖得涼嚟摺埋衫，我都12點先有自由時間呢！