18/12/17

18/12/17   MON   VERY COLD*

今日老公生日, 但真係冇咩特別慶祝, 年紀大啦都唔會有咁多嘢搞! 朝早都係如常咁返工返學囉, 仲爺就已經放假啦, 老公直接揍佢入嫲嫲到, 我就可以直接返工, 買埋早餐返去食, 跟住都係做嘢啦, 老細10點幾返咗嚟, 但冇叫我過去開會我梗係唔過啦, 反正都係浪費時間, 我仲有10萬9千樣嘢未做, 午飯我仆咗去美孚街市買今晚打邊爐啲嘢, 真係有啲趕囉, 仲要買埋飯食, 結果2:15先返到公司呢! 本來好地地都接近尾聲, 點知過咗5點先叫我過去開會, 真係好想講粗口, 因為知道佢實overrun, 最慘係聽到佢地喺到講廢話, 鬧交咁, 真係好煩! 總之迫到佢地做到決定就得! 6點幾先去到接笨元, 好在中午買定料打邊爐, 所以洗起啲嘢就食得! 打到8點幾9點先開始執嘢, 有點亂啦, 因為仲爺沖好涼但我又未抺地, 唯有叫佢等我啦! 好早K.O.哂佢兩個, 沖涼摺埋衫老公就食我買比佢嗰一角蛋糕啦, 生日點都要食蛋糕GE!