1/12/17

1/12/17.  FRI.  WARM

今日真係夠哂攰， 攰得嚟仲好無聊！朝早如常揍佢地返學啦， 仲爺食咗蛋糕可以唔同我地一齊食早餐， 叫老公車我返公司放一放低啲嘢就揍仲爺返學，  食完個早餐見仲早， 唔想咁快入到廠， 所以就上返學校睇吓仲爺跳早會操， 但佢人又短又企得後， 所以都唔係睇得好清楚， 好在佢最尾都睇到我同佢byebye！過到青衣城又要等車， 屯門公路仲要有點塞車喎， 最搞笑係另外兩個同事都喺我轉車撘嗰班嗰到， 可以一齊入去呢！不過入到去都係無聊啫， 先分吓d核突工衣， 跟住就落樓下睇位點影團體照， 影嗰時又曬喎， 攞命！終於影到12點幾可以上番office，但仲要繼續影吓， 所以點幾鐘先走得！book咗三聖食飯， 撘的士竟然要行到去市中心先有的士真係好笑！過到去都係食吓吹吓水咁啦， 2點幾先放人， 我地call UBER閃啦， 嗰架車唔洗5分鐘就到啦， 雖然係細車， 但又穩又快， 25分鐘唔洗就返到去公司， 都係$155咋， 抵過的士啦！返到去快手開工啦， 琴日一日唔係到已經好多嘢未做， 淨係覆email都覆咗好耐， 又要做埋手尾等等， 5點幾過哂先走人， 因為book咗6點按身， 我可能真係唔多受力， 所以次次按完都覺得好痛！ 7點老公嚟接番我就返屋企攞杏野先， 跟住接埋笨元， 送埋敏瑩返屋企， 我地就去AEON晚飯， 買埋蛋糕諗住同仲爺切， 但又要去阿媽到攞番子元書包， 又要送埋嫲嫲返屋企， 返到去仲爺都瞓咗， 好在嗰個係雪糕蛋糕， 可以放到明天先食呢， 快手搞掂嘢就捉子元瞓覺啦， 明天又要去數學比賽！