11/12/17

11/12/17.  MON.  WARM

今朝真係超唔想整飯盒比笨元帶，所以最終比咗錢佢返去買飯食，朝早先留意到今日係咩鬼健康周， 唔係正式上堂， 笨元完全唔知咁，又要叫佢執過個書包先出門口！買埋奶返上樓先發現冇脆片， 唯有就咁飲奶算， 揍咗仲仲返學就返工啦， 今朝幾好呀唔洗開會， 根本就係啦邊有咁多會開呀！做好公事又做吓自己嘢啦， 午飯要幫老公去攞淘寶貨， 跟住先買麥記食， 下午都係樣樣做吓， 老細唔係到時間堅係過得快好多， 話咁快就放工！ 返去接咗笨元就返屋企， 都係日常嘢煮飯食飯等等啦，做好嘢摺埋衫就可以瞓覺啦！