6/12/17

6/12/17.   WED.  COOL+

今日朝本來都好地地， 都係忙點啫！ 朝早揍咗仲仲返學就返工啦， 返到去都係做吓嘢等開會咁， 開會都係講無聊嘢啫， 咁我都成機提出吓6/1究竟係計全部人要返工定全部人唔洗返工呢， 但經理都係答唔出， 佢都係癈癈地架啦！咁開完會不久「低能」就返啦， 真係得佢先可以咁低， 唔識又要學人講， 仲要想教番人轉頭， 跟住決定咗嗰啲嘢又唔認， 冇發生過的又係到認屎認屁， 真係好憎佢， 咁都不特止， 仲要有個人肯襯佢咁先得嘛， 刷鞋其實我覺得可以， 但做嘢上咩都順佢時我就覺得唔得， 有時啲嘢係幫理不幫親架嘛， 仲要話：咁嗰間嘢係咪唔想再改， 係ge叫佢比個file我我叫我個FD改！ 其實我真係唔明點解咁鍾意爭嘢做囉， 佢真係仲係蜜月期囉， 老細睇你就梗係可以巴巴閉， 時間可以證明一切呢！午飯後上咗去睇 襪， 但我真係買唔到嘢！下午好努力咁做嘢架， 但都係換嚟激氣多囉， 大家咁高咁大你做到好似你係我上司咁， 呢點我真係接受唔到！仲要搞到我遲咗放工， 買埋餸接埋笨元都6點幾7點先返到去， 煮飯食飯做家務睇功課等等， 咁又做到11點幾先可以休息呢！