9/12/17

9/12/17.  SAT.  COLD

今日突然凍咗好多，估唔到天文台今次又咁準！ 8點多一定要起身， 梳洗完老公揍咗子元去學英文先返轉頭接我同仲爺， 因為仲仲又玩到一屋都係嘢又唔肯換衫出門口， 真係比佢激死！ 跟住去食早餐， 順手洗埋車， 接番子元返屋企做功課， 主要係同仲爺做功課， 笨元而家基本上自己已經handle到哂， 係仲爺麻煩啲又要話攰又要拖， 我都係要發佢脾氣先掂， 最終咪走返入房做， 做完仲要走出嚟話：「媽媽我覺得我好辛苦！」比佢吹漲！老公返嚟接我地前搬咗啲淘寶嘢返嚟先發現淘錯咗size， 啲櫈買高咗， 咁都冇辦法啦都要用！車咗我出去伊中聽講座先， 佢先去揍子元放踢波， 個講座都ok， 唔算大悶亦有收穫， 你話係咪咁想選咩又未必， 只係比自己了解多啲先， 出年仲要聽埋長天， 銘賢，及其他好幾間， 而家真係唔知係佢地讀書定我地家長讀， 以前鬼有講座咩！聽完仲有參觀， 搵埋程生佢地一齊行吓吹吓水咁嚟行！4點幾真係散水， 撘巴士返得去都5點幾， 子元已經去咗游水， 我就對功課啦，仲爺瞓咗覺， 等笨元游完水就出去愉景新城食晚飯同玩吓夾公仔，老公夾咗好多車仔比仲爺， 開心得佢呢！返去沖好涼瞓覺啦， 笨元話幫我摺衫但其實睇電視多過摺， 最終12點幾先瞓！