4/12/17

4/12/17  MON   WARM

今日又要影片拍攝, 不過我都唔一早出去啦, 反正都係做跑腿! 朝早早D出門口, 因為婷婷想見仲仲, 原來係送生日禮物比佢! 返到公司做好自己嘢先啦, 都忙忙地架, 搞到10點幾出門口, 撘咗地鐵過銅鑼灣先再轉的士上陽明山莊, 剛去到樓下啦又收到電話, 黎太話要買定水比佢地喎, 咁我又要碌番落去入口間超市買完水抬番上去, 堅係攰囉! 上到去一陣又要落去接佢地, 咁我梗係唔企喺出面凍住等你嘛, 點知又話上到嚟唔見有人接, 大佬你架車又黑玻璃窗, 鬼睇到咩! 算啦…跟住又話要食麥記…大佬…陽明山莊呀…邊搵間麥記比你呀, 結果我又要撘的士碌番落山去跑馬地買囉! 後來再知道佢地又要扭拍少一隻產品的片, 又話上次拍9個造型照已經好辛苦! 等佢地食埋嘢先拍差不多2點先開波, 真係得個等字囉! 老細兩點幾又上埋嚟, 當然又改又加咁啦, 最終拍到4點完成, 趕哂佢地走又要拍product部份, 都搞到5點幾, 我見拍攝團隊仲未有走GE意思, 我呢D師奶要閃先啦, 返去接笨元, 老公又話要出去買波boots, 咁又出去食囉, 去太子買完食埋回來都8點幾9點, K.O.咗仲爺笨元又要趕功課, 做埋份專題又11點多先瞓得, 都冇機會溫書, 點算!