16/12/17

16/12/17   SAT   COLD

今日長周要返工, 不過子元仲早因為要返學校玩歷奇, 所以8:30前揍咗佢返去就食埋早餐先返工, 今朝都有嘢做, 都係搞100周年啲嘢啦, 但都係得個做字囉! 老公就同仲爺去咗睇醫生, 都係鼻水倒流啦, 搞掂放工老公嚟接我, 直接去圓方, 因為襯唔洗揍子元學嘢, 同仲仲去溜冰嘛! 去到食咗簡單午餐先, 咁啱撞到熟人, 佢接囡放溜冰, 咁知道要洗地於是一齊上樓上遊樂場玩咗陣, 去買埋八達通就準備入場啦, 而家改咗制, 係咪都要$20入場當埋租鞋錢, 再說1.5/分鐘, 不過最終都要租輔助器材, 因為真係溜唔掂, 仲爺初頭都好驚架, 慢慢就咁坐喺到滿足唔到佢, 於是佢要自己試啦, 條友個膽真係好大, 完全唔比人扶, 可能佢重心真係低唔怕跌啦! 玩到3點幾要走啦, 收拾得嚟過去接阿哥剛剛好咋, 又要趕游水! 佢游水時老公就瞓咗覺, 我就摺衫咁囉, 仲爺就玩玩具, 等子元回來沖好涼就出去食晚餐, 去咗奧海城可以睇吓玩具咁囉, 返得屋企都10點幾, 快手沖涼瞓覺, 笨元明天又要早去踢波!