新一年啦! 2014年的願望當然是一家四口身體健康啦, 仲有蕃薯粒可以快D戒夜奶, 我同老公可以一覺瞓到大天光! 蕃薯兩點幾嘈完都算係咁瞓到6點先嘈, 咁呢餐就叫老公餵啦, 之後就9點先再嘈, 不過佢就玩嘢囉, 因為疴咗好多好多屎, 漏哂出嚟, 老公要幫佢沖埋涼呢! 食好奶我地都出去食早餐, 已經好晏啦, 食完早餐回來又要執嘢, 準備去同學仔生日會, 主題係公主王子, 老公幫笨元著咗套禮服裝, 其實都幾誇, 不過呢D衫都冇咩機會著, 有需要就著多幾次呢! 廢事撘巴士等得耐, 最終都係撘的士, 爵悅庭又吊腳呢, 早咗到都啱, 蕃薯又係時候飲奶, 佢都算好嘢, 全程咁嘈佢都照瞓, 笨元就梗係玩足全場啦, 我地就周圍吹吓水咁囉! 4點要交場我地就準時走啦, 蕃薯又好準時咁叫食奶囉! 餵咗佢我就泵奶, 沖埋涼就叫外賣食呢! 之後都係hea吓睇吓電視咁囉!
沒有留言:
張貼留言