今日休息日, 蕃薯1點6點幾食咗, 我泵完奶又再瞓過到10點, 而笨元放假就7點起咗身, 吹漲! 由得佢自由活動, 到10點多起身後, 餵埋蕃薯就出去食早餐, 今日隻蕃薯好醒, 食完早餐去惠康買嘢佢都醒住, 買完仲要去埋圖書館就可以回家啦! 返到去係要幫笨元再溫一次中文, 明天評估中文嘛! 溫到我好攰囉, 同佢溫完佢就自由啦, 我又要照顧粒蕃薯啦, 仲要泵奶等等, 到6點幾就要出門口, 今晚阿媽生日飯嘛, 推住車仔過去, 食食吓飯又要餵蕃薯啦, 由於老公要去踢波早走, 阿媽驚我搞唔掂係都要同我返去, 其實都係撘程巴士啫! 返到去馬上同笨元沖涼比佢睇掌門人, 我就泵埋奶K.O.埋笨元先有得沖涼, 而蕃薯就係咁喊, 可能今日老公係咁陪住佢玩, 所以冇人陪佢就喊囉,不過都冇辦法啦, 得我一個又要沖涼, 由得佢喊吓先啦! 沖完涼餵咗佢就hea吓等老公返嚟先一齊瞓啦, 蕃薯都係要睇佢幾時醒先再飲啦!
沒有留言:
張貼留言